Espazo dedicado ás persoas emprendedoras
Coñece ás nosas persoas emprendedoras:
¿Que é Emprende na rede?
Emprende na rede é un espazo dedicado aos emprendedores, deseñado e constiuído para crear un lugar de networking entre os diferentes emprendedores.
Máis de 5000 empresas iniciaron a súa actividade co servizo de asesoramento a emprendedores (SAE) da MAIV. Agora están asentadas no mercado, e algunhas delas mesmo teñen proxección internacional.
Dende esta rede non só pretendemos seguir ofrecendo os nosos servizos, senón tamén a posibilidade de xerar sinerxías entre todos.
Convidámosvos a emprender na rede connosco.
Obxectivos
Baseándonos nos últimos cambios sociais e de hábitos da cidadanía, decidimos crear un centro de negocios en liña. Un espazo co que se pretende:
- Aumentar a visibilidade das persoas emprendedoras na contorna web.
- Facilitar a promoción dos bens e servizos que ofertan os emprendedores.
- Crear unha comunidade para promover a conexión entre as persoas emprendedoras.
Enrédate
Ademais do espazo web utilizaremos as redes sociais como ferramentas de comunicación para crear oportunidades de coworking.
Tamén podes unirte á lista de difusión de Whatsapp, a través do cal compartiremos información e noticias de interese. Crear unha comunidade entre as persoas emprendedoras e que se axuden mutuamente a crecer e a aportar un maior valor ó comercio local.
Axudas e subvencións
- SUBVENCIÓNS A ESTABLECEMENTOS TURÍSTICOS PARA ACTUACIÓNS DE EMBELECEMENTO DO LITORAL GALEGO 2025-2026
A Axencia de Turismo de Galicia convoca estas axudas dirixidas a establecementos turísticos situados en municipios costeiros de Galicia para acometer proxectos de eficiencia enerxética, dixitalización e mellora das fachadas turísticas, co obxectivo de impulsar a sustentabilidade e o embelecemento da costa galega. - AXUDAS DO PROGRAMA EMPRESA CIBERSEGURA 2025
O Programa Empresa Cibersegura 2025 nace para axudar ás empresas galegas a reforzar a súa ciberseguridade, ofrecendo apoio económico para implementar solucións que garantan a continuidade e confianza no ámbito dixital. Se queres anticiparte aos riscos e protexer a túa empresa, esta é a túa oportunidade. - SUBVENCIÓNS “TERRITORIO CULTURA” PARA AMPLIAR E DIVERSIFICAR A OFERTA CULTURAL EN ÁREAS NON URBANAS
A Xunta de Galicia, a través de AGADIC, convoca esta nova liña de subvencións, dirixidas a ampliar e diversificar a oferta cultural en áreas non urbanas de Galicia a través do apoio económico a proxectos e actividades culturais que se desenvolvan no medio rural. - AXUDAS PARA SALAS CINEMATOGRÁFICAS 2025
A Axencia Galega das Industrias Culturais (Agadic) convoca subvencións para apoiar a actividade das salas cinematográficas comerciais situadas en Galicia durante o ano 2025. Estas axudas se concederán en réxime de concorrencia non competitiva.
Guías e Consellos
- ELECCIÓN DE FORMA XURÍDICA
A forma xurídica é a estrutura legal pola que un negocio existe ante a lei: define quen responde fronte a terceiros, como tributa, como se configura o capital social e que trámites son necesarios. É unha das primeiras decisións estratéxicas dun emprendedor. - TIPOS DE COOPERATIVAS
Cando se inicia un proxecto colectivo, escoller a forma xurídica adecuada é esencial. As cooperativas ofrecen modelos diversos que se adaptan a distintas necesidades. E ti, que tipo de cooperativa necesitas? - SOCIEDADE LIMITADA PROFESIONAL (S.L.P.)
¿Es profesional colexiado e estás pensando en dar un paso máis alá do traballo como autónomo? A Sociedade Limitada Profesional pode ser a fórmula que necesitas para crecer con seguridade e prestixio. - OBRADOIRO ARTESÁN: UN CAMIÑO DE CREATIVIDADE E EMPRENDEMENTO
Os obradoiros artesáns son espazos onde a tradición e a innovación se dan a man, dando opción que as persoas emprendedoras poidan transformar as súas habilidades e a súa paixón en proxectos profesionais. Se estás pensando en dedicarte a unha actividade artesá, aquí tes algúns consellos prácticos para dar os primeiros pasos con éxito.
Novas
- DOMINGOS E FESTIVOS DE APERTURA COMERCIAL 2026
Coñece os dez domingos e festivos nos que os establecementos comerciais poderán permanecer abertos durante o ano 2026. - CONVOCATORIA 8ª EDICIÓN VIAEXTERIOR 2025
Xa está aberta a convocatoria para a 8ª edición da ViaExterior, a aceleradora multisectorial deseñada para promover, acelerar e aumentar a probabilidade de éxito no proceso de internacionalización das empresas galegas. - XORNADAS FORMATIVAS ECONOMÍA SOCIAL 2025
O vindeiro 16 de setembro EspazoCoop organiza en Vigo dúas xornadas para o fortalecemento e proxección da economía social galega. Pola mañá celebrarase a sesión “Consolida+ – Cooperativas máis fortes”, centrada en compartir resultados, boas prácticas e axudas para a consolidación de cooperativas. Pola tarde terá lugar a xornada “Accede a Contratos Públicos”, co fin de capacitar ás entidades da economía social no acceso á compra pública. - PREMIOS DO COMERCIO GALEGO 2025
A Consellería de Emprego, Comercio e Emigración convoca os Premios do Comercio Galego 2025, destinados a recoñecer a excelencia, a innovación e a sustentabilidade no sector comercial.